「見一鑊打一鑊，當做飲檸樂」

闖課室毆男生 惡兄弟出狂言
「見鑊打鑊當飲檸樂」

惡兄弟橫行霸道，打人當「飲禝」。天水圍一名中學男生，昨午報稱遭同校一對兄弟關係的懷疑黑學生指斥他面目可憎，不由分說將他毒打一頓後，更輕佻表示「見一鑊打一鑊，當做飲檸樂」！男生負傷通知兄長報警及送院治理。涉案兄弟事後自行到警署投案。

被指面目可憎
受傷男生姓陳（十六歲），在天瑞眤一間中學就讀中四，涉案兩兄弟姓黃，分別十六及十七歲。據陳稱，涉案兩名同學讀同級但不同班。昨日午膳時間，對方突然衝 入其課室，自稱是區內一名黑幫頭目的門生，繼而指他「雖無過犯，面目可憎」，隨即拳打腳踢毆打，致身體多處受傷，兩人逞兇後，仍態度輕佻說「見一鑊打一 鑊」，並指打人屬等閒事，說罷若無其事施然離開課室。

陳未有將事件通知師長，至中午一時許，躲在一角用手機通知仍在上班的兄長，其兄認為事態嚴重，決定報警處理，隨即趕至學校了解。

並非首次遇襲
警員在學校調查後，未有帶走任何人助查，陳因手及面部受傷，由救護車送院治療。涉案姓黃兄弟於事發後不久，自行前往警署投案及接受調查。

陳兄表示，其弟在校內遇襲並非第一次，去年曾被一名男同學強行拉倒地上，再撼頭落地受傷，但校方卻因息事寧人，指兩人當時只是嬉戲，未有作進一步追究，令他感到氣憤不已，因此吩咐其弟若再在校內遇襲，應直接致電給他。

記者致電陳就讀的中學查問，一名職員表示校內無發生打架，只是有學生不適，同時校長亦無回覆。

http://the-sun.on.cc/channels/news/20080226/20080226025931_0000.html



睇到果句口號，實左忍唔住笑左出黎！

見工前(下)

距離見工o既日子越黎越近，文件上o既準備都基本上做好晒。接住要做o既準備，大約有都著重o係見工o既對答。大約半個鐘內o既interview裡面，問o既問題都應該離唔開果幾題，所以都可以準備一下。不過，對住一d好普通o既問題，點先可以令老細o係短時間了解多d自己實在唔容易。答得太普通，老細唔會有印象。答得太突出，又未必o岩老細口味。

通常，interview都會由自我介紹開始。呢part其實對阿細佬黎講都幾難，因為要全程自己講。要阿細佬自己講野一段長時間都幾困難，每次講講下就總會「食螺絲」，真係點練都練唔到。而自我介紹o既內容黎講，用英文都仲好似好少少，用中文就總係怪怪地。英文都仲可以hard sell下自己，用中文就完全唔識點sell自己。

而其他問題，如果個自我介紹開得好，我諗問題都唔大o既。之後果d問題，都係順住個自我介紹講落去，最難都係講下自己做個o既project姐。之但係諗諗下，假如要做wirrten test o既話，咁就大鑊啦！都係準備定好！

見工前(上)

臨近placement interview，都係時候好好準備一下，準備一下各樣文件，準備一下簡單o既對答。一邊準備，一邊回想以前interview o既經驗。可能真係太耐，阿細佬諗黎諗去都記唔起上一次正式o既interview係幾耐之前，只記得自已一向都無咩interview經驗(即係in都無得in呢~ 唉~)同埋每次都只會覺得自已in得唔多好，唔太識答人地問o既問題。

o係準備之時，首先從櫃裡面搵返果個鋪滿塵o既folder，將從前o既不堪入目「往積」翻開。望住一張張會考證書，心諗：「乜我考過咁多次會考架咩？」呢一刻諗返，當時o既課程都好容易，理應可以考得更好，實在唔明點解當時考得咁差？究竟係我當時太懶散無讀書定係我讀書方法有問題？實在廢解！除左會考，亦都發覺有好多張其實無用o既所謂「證書」。睇完一輪，揀返有用o既出黎拎去影印。影印完，將每一份好好咁分類放入一個新folder，不禁慨歎自已讀左咁多年書都仲讀緊。

CSS大作戰

上次講過，近排有份功課係以兩人一組，寫—個二手買賣網站。今次呢part，最重要o既部份係應用CSS放入個網站，之後仲有其他part，例如java script、JSP 等等。

之前未學過CSS o既我，通常寫網頁都用上frame同埋table，以便有一個較容易睇o既layout。但今次要用上CSS，難度都幾大。如果單一頁網頁用CSS，本來唔太難o既。不過當幾頁都用上同一個layout，共用同一個CSS式樣，更改上黎就好容易出問題。唔知係咪呢兩年寫o既prog.，太多數都係C++ o既關係，令到一時間唔太習慣每次更改o既時候都要睇下有無走位，仲要係check完IE又要check下Firefox。而走左位為後，要查返係邊度出事都有d難度。突然之間，覺得OOP係好好多，最少唔需要為左唔同user用唔用software因而有唔同display而煩惱。

仲有3日就要交功課，唔知最後個網站會改成點呢。

顧客永遠是對的

說話近來有份功課要寫個trading website，仲搞到幾麻煩下。呢份功課，技術上有好多野都未學過或者只係剛剛開始學。不過唔識唔熟都唔緊要，邊學邊做，邊做邊學囉！返到學，預左係要學野架啦！

將份題目睇完再睇，要做o既完完全全係將一個e-bay做出黎。e-bay o既成功，並唔係單單靠電腦上面技術，所以我地唔駛做到咁成功，但要做到基本o既技術，亦唔係一兩個普通o既學生可以o係兩三個星期裡面可以完成基本o既設計(當然，總有d成績好好o既人能夠做到)。

另外一個麻煩o既地方係份功課o既要求唔清唔楚，完全唔知有咩係要包括落個website，有咩又唔駛。最令人煩惱o既係連問佢果陣都話份題目有寫。我知！我見到有寫，但我睇唔明你講乜嘛！我點知點做呢？即係呢位阿sir已經唔係第一次係咁，lab manual係咁，assignment又係咁，都唔知係佢有問題定係我有問題。顧客永遠是對的，老師亦都永遠是對的。佢出o既要求就係你要做o既野，做唔到，就當然錯啦！

Words Of Silence

繼上次"Chapel Of Dawn"玩黑暗之後，今次Juno就選取返d比較大路o既風格，唱返情歌，亦都比較K歌。

"人牆"有好大Swing o既影子，Juno亦都唱得好似作曲o既Jerald。"可不可不撐下去"有一個一聽就好熟識o既感覺，諗諗下，首歌好似早期o既謝霆鋒。另外"酷兒"亦都好謝霆鋒。"吃鯨魚的人"o既歌詞幾特別，竟然可以用鯨魚黎做比喻。

個人推介：可不可不撐下去、吃鯨魚的人



P.S. 呢個MV版本比TVB果個好呢！
另外TVB版d歌詞有少少唔同，全部"香煙"都無晒，咁又何來借火呢？

行年宵

好耐都未試過年三十晚去維園。o係去維園之前，諗住入Sogo行陣，之但係銅鑼灣例牌封路封到唔知點行。諗住求其搵個警察問下，點不知行埋去一開聲就搭我膊頭，都咪話唔驚！駛唔駛咁nice呀？

唔知係咪因為今年個市好，好似比以前多人左好多，多到行都行唔到，經常要行幾步就要停左企o係度，再行幾步又企o係度。而今年買o既野，比較得意o既有"出入平安"杯麵、一副食胡o既麻雀同埋有條好長o既長頸鹿。但要數最多o既，一定係佢啦！
就係金莎啦！成個場多到數都數唔到！

日落

拍日落其實幾有趣，每一分每一秒都有唔同o既變化。
要拍一張滿意o既實在唔容易。

淫照風波

本來無諗住講呢個題目，亦對事件中o既相片無咩興趣。但係事情o既發展其實太過曲折離奇喇！最新o既情況唔止見到朋友就問"你有幾多張？"、"係咪出左閃中閃？"，仲不停見到好多人好nice咁去識好多"朋友"。奇拿真係好野，仲好睇過死亡筆記！

事到如今，奇拿處處針對住黎放相，每次都好似有目的。最初放一相，當大家諗係咪合成o既時候，就每日放新相。但當警方話搵到有過千張相o既源頭就又放新相，仲要大量咁放。唔知下次次係咪真係放video呢？早兩日，男主角出黎講左幾句，之但係都幾無謂。唔通你講幾句全部相就會無晒？過十年後都可能有人翻舊帳啦！各個主角除左勇敢承認係自己有做過之外，講咩都無用啦！

而今次警方o既做法，亦有好大迴響。替鬼者未見官見坐8個星期，警方稱為"源頭"就可以保釋，而相中人就可以咩都唔理，更過份o既係藏有都可能俾人告意圖發佈。如果繼續拉人，遲早赤柱要分"膠登倉"、"dixxxss倉"同埋"uwxxts倉"啦！"不誠實使用電腦"？更加係點講都得，點先算不誠實？

另外，今次由網上爆發o既風波，再一次顯示出internet o既威力。除左相片傳播速度之高外，改圖o既驚喜同"巴士阿叔"有得比！如果唔係驚俾人告，相信會有更多更惡搞o既圖出現。