Monopoly City Streets - 續

3~4日之前，隻Game成隻reset過，將所有街道收返再買過。當再開始o既時候，又一係短時間內所有街都賣晒。諗住不停send好多offer，希望買到一條街啦！但Reset完隻game同時又改左制，每日只可以send 10個offer。而今次就無咁好彩，send左好多個offer，差唔多全部都俾人reject晒。

其實俾人reject o既其一個原因就係出offer個價只可以係條街個價o既1.5倍。當大家起左樓之後，個1.5倍個價其實都唔太吸引，reject個offer都係好正常丫！依家只好等夠7日，睇下有無人無reject我個offer啦！

Mr.

第一次o係收音機聽到"如果我是陳奕迅"都差d呃到我。Mr. o既主音Alan把聲實在幾似陳奕迅，不過始終都只的係把聲似，但同陳奕迅同台演出就真係有幾大差別。技術上，唔太識抨論，但技術上o既不足都比較易去改善。最大o既差別係感染力不足，並唔似陳奕迅一開唱就好易吸引到人。聽過Mr.最近出o既碟，d歌其實都幾好聽，不過成隊Band出live個感覺始終都好似差少少咁，或者過多幾年會好d。

Monopoly City Streets

當隻game未launch o既時候已經想玩，可惜第一日出就太多人玩，完全load唔到入去。而過左第一日之後，大部份o既街亦都俾人買晒。結果到今日先開始玩o既我，唯有出價去買人地d街，而第一條出價o既街，當然係皇后大道西！等左一陣再login之後，發覺買到啦！正！

近期DC - 2009

最近出左好多部新o既DC，其中有部份o既功能都幾特別~

Nikon S1000pj - 首創投影功能：Nikon Coolpix S1000pj
放個小型projector o係部相機前面，個idea幾好，不過o係香港未必咁有市場。o係香港，出到街有幾多地方可以用到個projector？雖然話可以放到40吋，但返到屋企就唔駛用部相機睇，點解用電腦睇？仲有影完相，再坐底睇下相，粒電可以用到幾耐呢？就算其他DC，都好多時會影影下唔夠電，無電部機就無用，難道次次都帶多粒電？呢部機要接近4千蚊，比起其他機亦都算貴，唔太值得。

Samsung ST550 / ST500 - 最強自拍機：首款配備雙 LCD 的 Samsung ST500/ST550
Samsung 雙 LCD 呢個idea比起Nikon 個projector好，sale 自拍應該吸引到唔少女仔。另外部機仲加左其他function去針對影人，定位清晰。雖然實際好唔好就唔知，同埋一向Samsung 相機個印象都唔係特別好，不過睇sample都好似OK。而且兩部機都係under 3千蚊，都諗得過。


Canon G11 - 挑戰 ISO 12800︰Canon PowerShot G11 現身
由G10的14M變返做G11的10M，Canon明白像素不是一切嗎？同埋經過幾代之後終於加返反Mon，可惜f/2.0仲未回歸。USD $499，接近HKD$4000，不如買部1000D or D3000。

Canon S90 - S 系復刻重生︰Canon PowerShot S90
S系上一部o既S80已經係好多年前，對比今次o既config，其實都唔太算係同一系列。不過今次o既28 mm 加 f/2.0，明顯係同LX3競爭。呢部機仲要有埋Raw，感覺上部機定位同G11幾近，不過外型S90好好多呢！買USD $429，如果香港買3千頭，都幾吸引。

Ricoh GRD III - 經典的延續：Ricoh 推出 GR Digital III
28mm f/1.9，光圈比上一代大左，如果係24mm就更好。高ISO掂唔掂係成疑問，同埋價錢好貴！不過呢部機，始終玩樂味比實用性大。


P.S.呢篇野差d寫寫下唔記得出~哈