話咁快就打完左八強賽事，直係估唔到八強都幾好睇下！
土耳其上次下半場尾段反勝捷克，今次臨完加時先黎追和克羅地亞，再射贏十二碼。仲要係119分鐘失一球，然後120+追和。下場土耳其對德國，真係睇少一分鐘都唔得！荷蘭咁早出局都幾意外，仲要輸俾俄羅斯，唔通真係分組賽打得好，淘汰賽就會早d出局？而西班牙對意大利中，西班牙其實都有幾多機會，意大利就今年都係打得比較差，西班牙出線都算正常啦！希望西班牙入到決賽。而場波最好睇都係十二碼，兩大守門員o既對決 - 卡斯拿斯 vs 保方，睇佢地救十二碼真係有姿勢有實際。
四強戲碼：
德國對土耳其
俄羅斯對西班牙
希望決賽係土耳其對西班牙，應該感覺幾新鮮！
No comments:
Post a Comment