大熱天時停電,諗起都難頂.....話說上個星期某一個夜晚,o係街度收到屋企人用手提電話打俾阿細佬。通常屋企人o係屋企都會用返固網電話打俾我,原來今次咁特別o既係因為停電,太黑用唔到固網電話。收到電話,問左幾句,發覺唔係跳fuse咁簡單,立即用15分鐘返到屋企。
去到屋企樓下,見到大部份單位同樓梯都無燈,心之不妙。原來係大半座樓都無都電,得1/3單位有。結果好多平時見都未見過o既鄰居都走晒走廊,大家議論紛紛,仲風發現連隔離座樓都有影響,齊齊落街等待電力公司o既維修人員。大約過多半個鐘,維修人員到達後就返屋企等。停電o既晚上,有咩好做?無冷氣、無風扇、無電視睇。好在,仲有部有電o既notebook,可以滴住汗睇下裡面o既劇集。不過無得上網,原來真係悶好多。
最後,經歷左兩小時o既漆黑,終於「重光」!即係開返晒d電器,沖返個涼!假如連notebook都無,真係唔知呢2個鐘可以做咩!
No comments:
Post a Comment