高鐵為誰而建?

最近都有留意有關於高鐵o既消息，但一直都無乜點講自已o既意見。今日收到港鐵o既email講關於高鐵，見o係facebook有人post出黎，就回應左。回應左就唔好浪費... o係度post埋啦~

高鐵為誰而建?

就近日高鐵的討論，我們希望與會員分享一下我們的看法。

高鐵不是甚麼不切實際的偉大建設，而是為每個小市民興建的高速鐵路，它將連結國內的高鐵網絡，縮短城際交通的時間，由香港市中心至廣州只需48分鐘，到深圳 14分鐘！現今跨境工作越趨普遍，屆時，你在廣州放工，就可以準時回港陪家人吃飯；周末，你只需花數小時就可以直達湖南一嚐正宗湘菜；試想想，一條高速鐵路帶來的好處，除了經濟效益，除了不被邊緣化，其實還有很多。

興建高鐵很難有十全方案，撇開激情的爭論，作為對社會負責任的企業，我們很希望你可以得悉以下三個事實：

一）高鐵總造價預算達六百多億，此造價是經過詳細的研究，涵蓋地質、土木及機電工程、土地勘測、人流研究以及設計藍圖而定。由於全程以隧道行車，並將總站設於地底，故能減少受影響家園數目，減低對環境與生態的滋擾。

二）錦上路設總站的方案是一個未經驗證的構思，規模小，也沒有考慮其他配套，況且，不能直達市區的高鐵，效益成疑，世界上也鮮有成功例子。

三） 有菜園村居民反對工程，事實上，已有超過八成村民登記考慮政府的補償與安排。如果錦上路方案被接納，興建總站將要重新徵地，影響最少比菜園村多幾倍的居民。

無論你抱有甚麼觀點，假如你也希望有更多人了解這些事實，很容易，請將此電郵轉發給你的朋友。 讓我們一起珍惜現在，接通將來。



此致

港鐵友禮會

呢3個事實無錯，但係....
1. 造價高都算，但幾時回到本？高鐵幾時先可以賺錢？起好之後仲要香港人俾幾多錢去經營？點解個email裡面要話"一條高速鐵路帶來的好處，除了經濟效益"，咁係咪高鐵其實唔會帶黎經濟效益？

2. "錦上路設總站的方案是一個未經驗證的構思"，難道西九就有驗證，大家都係去估計。不過o係人都可以睇得出將總站放o係西九唔單純係一項基建，係會變成地產項目。由西九文化區已經開始擔心向大地產商利益輸送，咁高鐵西九站最終得益者又會係邊個？

3. 無菜園村居民o既反對，大角咀居民都唔會知道自已受影響。睇返1月8日個會，可以睇下港鐵對大角咀居民o既資詢有幾咁不足？而且，除左菜園村同大角咀，仲有幾多地方會受影響？

睇得越多，了解得越多，就發覺問題越多。仲有一地兩檢o既問題，高鐵香港段最高速只得200km/h，仲有好多好多其他唔同o既問題。香港需要高鐵，但o係未決解呢d個問題之前就要上馬，係咪太急呢？點解政府唔可以好好咁向市民解釋？1月8日個會，個覺得打拉布o既唔係泛民，而係政府。一直拖，一直拖，一直拖到夠鐘投票。咁o既表現，市民仲可以點相信政府？