每年聖誕@又一城

已經係第3年去又一城影聖誕樹，唔知呢個習慣可以維持幾多年呢



2008



2007



2006

Layout

當初開Blog o既時候，曾經好想執好個Layout。之不過到今日，都仲用緊template，原因都只不過係懶。但係到今時今日，個template o既width 都仲係for 800 X600好似真係太過細，因為扣除sidebar之後中間得返410px。結果，好似之前個post咁，個video出晒界。所以，只係好懶咁改下CSS，將中間加返闊，依家有710px，應該夠用啦！

Adidas廣告

運動牌子o既廣告，好多時都幾好睇，無論本身鍾唔鍾意個牌子o既產品。而關於足球o既運動牌子廣告，大多數都集中o係世界杯或者歐洲國家杯附近，仲會係大規模，間間舖都有果隻。不過， 最近見到Adidas o係youtube到出左新廣告。雖然唔知有無o係電視播過，但係其中兩個我覺得好好睇！



洛賓拎住出boot，將d釘轉下轉下扮收音機，將音樂融入足球，好有趣！

Robben - Radio Robben





艾迪拜約呢個，足球技術上係完全無特別(相比起謝拉特果個)。特別之處，只因為貪食蛇，o係檯底果個Nokia電話o既貪食蛇~哈哈

Adebayor - Snake

越搞越大的Notebook

17"Mon o既 Lenovo W700都只不過出左無耐(未見過實物呢~好想睇下有幾大)，竟然話出部可以拉多個Mon出黎o既W700ds，即係17" 1920×1200 + 10.6" 768x1280。以面積計，雖然都大唔過平時公司有機會用到Dual 22" 1680X1050，但呢部係一部Notebook喎！而且睇圖，可以拉多一個Mon出黎，都幾有趣喎！如果每邊拉多一個出黎，即係[10.6" 768x1280] + [17" 1920×1200] + [10.6" 768x1280]，仲正喎！(雖然唔知要咁大黎做咩)



超強的 Lenovo W700 再 Level Up 成 W700ds！！

大家好喜歡王維基嗎？

兩日之內，有6個關於王維基search黎到呢度。其實大家好喜歡王維基嗎？大家係關心亞視定係出於八掛呢？不過呢度其實都無咩睇，入到黎一定好失望。

相比起點解會去search王維基，我比較有興趣知點解會睇result睇中第253個，而唔係面前果d？點解會睇到咁後呢？

IE 安全漏洞 Hotfix

雖然轉左用Firefox好耐，但係用得Windows，點可以無IE？鬼叫d website有standard 唔跟，認為總之個IE display到無問既就得。如果唔係咁，Firefox都唔駛有個Add-on叫IE Tab啦！但係IE 8 將會跟返W3C o既standard，到大部份人用IE 8 時應該會好d。



不過公平d咁講，有邊個software會係bug free？只不過係今次個安全漏洞IE 5.0 版本到 IE 8 beta 2都有份，姐係差唔多人人有份啦！IE 5係Win98年代o既產物，斷估就算有人用Win95，都應該唔會仲用IE4掛？另外，今次個Hotfix 都算出得幾快啦！個新聞只係出左幾日，個auto update已經彈左出黎去裝個Hotfix ，算係咁啦！



伸延閱讀：

IE 瀏覽器發現安全漏洞 專家建議應暫時停止使用

微軟緊急發佈IE更新專家建議用戶即時安裝
MS08-078: Security update for Internet Explorer

王維基

本身對亞視由咩人主管係毫無興趣，不過聽到王維基一上任就話要唔做中央台，就好有興趣知佢點搞。點不知得果12日就搞出辭職羅生門事件，不過點都好，王維基o既亞視員工大會的確幾好睇。



王維基亞視員工大會

Widescreen Youtube

今日上Youtube睇野發覺個player變左widescreen，跟住搵下睇下有無widescreen o既片啦！點不知搵黎搵去都係得TVB東山飄雨西關晴 o既一段片係會用盡個畫面，而我都唔識分佢搞究竟係本身widescreen定係用4:3拉闊左。




因為變左widescreen，本身4:3 o既片都會o係左右加上黑邊。加黑邊本身都無咩事o既，不過當遇上本身widescreen，但上下加黑邊變做4:3 o既片，家下搞到上下左右都黑邊囉！

朝九晚九，僅供糊口

用勞工處個template，個工作時間"朝九晚九(加班無補水)"同埋薪酬係"僅供糊口"簡直一絕，唔駛多講....

癮科技終於有香港份

癮科技走到香港囉！



都睇左癮科技1~2年，基本上繁體版都係以台灣為主。繁體版始終比簡體版親切得多，睇得比較舒服。而香港o既新聞最多都只係會簡唔中睇下HKEPC，但類型唔太相同，廣告多好多同埋只係得d主流電腦貨品。



癮科技加入香港o既編者，加入更多香港消息係一個好開始，不過如果可以有香港分站就更好啦！

閱讀習慣

基本上，每日打開電腦，都會開住Firefox。而可能因為懶o既關係，所以Google Reader係最常瀏覽o既網站。一個網站就能夠將自已最常閱讀o既文章放埋一齊，幾咁好。除左方便之外，Google Reader裡面個Trends都幾有趣，記錄左最近30日o既少少資料做左d統計。個Trends不但可以統計有幾多新文章，仲可以統計埋閱讀時間o既習慣。



上面幅圖係2008年10月20日至11月17日o既統計，從上面果幅圖，都知道星期日係一星期裡面睇得最多文o既一日。原因好簡單，放假嘛！返工o既日子，一朝早就要返工，到夜晚要有時間睇。日子耐左，就儲埋好多文，結果要星期日盡量清左佢。睇多幾次呢個統計，都可以慢慢了解更多自已o既閱讀習慣。

突然好想你 vs 我這樣愛你

聽到"突然好想你 你會在哪裡"呢句，覺得好似另一首歌...聽多幾次之後，最終諗到啦！就係"就算天涯海角　都可能覆蓋"，廣告力量真強大，唔係個廣告，應該唔會十年後仲記得呢首歌。

又到聖誕

11月中，尖沙咀o既聖誕燈飾已經開著晒！駛唔駛咁早呀....萬聖節都係過左無耐，咁快就聖誕？仲有超過一個月喎？記億中，通常都係11月尾12月頭先有，點會11月中咁早。不過除左燈飾，其實d聖誕朱古力早o係11月頭就已經開始有得買，簡直緊貼萬聖節，真係不得了！莫非真係可以o係金融海嘯下刺激經濟？

國內用語

睇簡體字煩，睇得明o既用字更煩！

呢兩個電腦用語，唔check下都唔知原來係唔同o既野



接口 = interface

串口 = port

有10 %的人在廁所上網

有10 %的人在廁所上網

現代無線網路愈來愈普及，上網愈來愈方便，也讓人們上網習慣有了改變。英國一家ISP業者Plusnet 做了調查，有10%的人，在旅行或是居家、工作時，會拿著他們的筆電，於廁所上網。在這麼短時間，最主要做的事情，就是收收電郵以及看看所熟知的網頁。此 外，也有提到35%是在床上使用，以及40％在客廳使用。



看來隨著時代的演進，人們在廁所時候所做的事情也會改變，將來上大號時看書看報紙的人會愈來愈少吧，取而代之的，是拿筆電衝進廁所了。

http://chinese.engadget.com/2008/11/05/10-per-cent-surf-the-web-toilet/



其實o係廁所上網都幾方便啦！去廁所o既時間可以善用~

Windows和Xp

海關首破「全盜版」網吧



海關昨搗破北角一間樓上網吧，非法上載盜版最新電影、歌曲及電視劇予客人觀看，並首次發現容許客人自行下載儲存，連網吧內電腦所用的軟件亦是盜版。海關檢獲近百部電腦及伺服器，總值約53萬元，拘捕3人。

時下 年輕人愛流連網吧，有不法商人為求無本生利，取用盜版產品，開設「全天候盜版」網吧。
海關版權及商標調查(行動)課監督鄭毅文表示，早前接獲版權擁有人的舉報後，展開調查，至昨日突擊搜查一間位於北角、24小時營業的樓上網吧，發現該網吧 將5,400首盜版歌曲、2,600套電影和電視劇儲存在店內的伺服器，然後透過內聯網上載至店內的電腦供顧客收聽和觀看。

為招徠生意，鄭毅文指，網吧亦容許自行攜帶USB記憶體的顧客，下載店內的盜版產品。

涉及的盜版產品種類繁多，主要來自本地、外國、日本和韓國的最新歌曲、電影和電視劇，包括剛落畫的電影《赤壁》，及正在熱播的電視劇《珠光寶氣》亦有提供觀賞。

鄭毅文指，該網吧面積約3,000呎至4,000呎，已運作5個月，每小時收取9元上網費，每日生意額平均約1萬元。

電影《赤壁》亦有得睇

行動中，海關共檢獲93部電腦和7部伺服器，總值約531,700元。

在檢獲的電腦中，鄭毅文表示，網吧所使用的操作系統軟件，即如Windows和Xp等電腦軟件，全部都是盜版，如以正版計算，估計總值30萬元。

海關共拘捕1名男董事及兩名女收銀員，年齡介乎23至35歲，分別被准以5,000元及3,000元保釋候查。

根據《版權條例》，任何人在知情情況下，在業務過程中管有侵犯版權的物品，則不論該業務是否涉及侵犯版權物品的交易，均會構成刑事罪行，最高刑罰為監禁4年及就每件侵權物品罰款5萬元。 (都市)

http://www.metrohk.com.hk/index.php?cmd=detail&id=90217



睇落一篇無乜特別o既新聞，但係越睇就越奇怪....



奇怪1:"時下 年輕人愛流連網吧"

雖然未去過網吧，但係近呢2~3年都好似無咩點聽人講去啦！究竟仲有邊d"時下 年輕"人仲會去網吧呢？定只係我識唔到年輕人呢？



奇怪2:"網吧所使用的操作系統軟件，即如Windows和Xp等電腦軟件，全部都是盜版"
點解要"Windows和Xp"？明明XP係Windows其中一個version，仲有，係Windows XP，並唔係Windows Xp囉！

過山車騎呢遺物 假腳胸圍都有

英國一列有28年歷史的過山車退役，工作人員清理乘客遺留的物件時有驚詫發現，包括一條義肢、一枚結婚鑽戒及10件內衣及胸圍。

斯塔福德郡的Alton Towers遊樂場，下月2日即關閉該列曾開動4,300萬次、名為拔塞鑽(Corkscrew，圖)的過山車。員工在場地範圍找到的遺物實在千奇百怪，計有800件珠寶、53隻鞋、604枚手錶、237部手機及數以千計帽子。它們全都是善忘乘客遺下(或飛脫掉下)的個人物件，而最令人摸不著頭腦的是，甚麼情況下會甩掉胸圍？遺下義肢又如何離去？遊樂場負責人Russell Barnes就笑說：「很期待失主來告訴我們。」



AM730 30/10/2008 P.16

Alt + F4

Alt + F4 係close window o既hotkey....基本上會習慣用hotkey o既人每日都總會用上幾十次。



但係o係HKEPC度睇到o既Dell Inspiron Mini 9介紹之後，由本來覺得部機無咩特別好/差變成覺得部機design得好差。

鍵盤方面， Dell Inspiron Mini 9 為提升使用體驗，鍵盤的文字 / 數字鍵會得比其他鍵較大，同時取消了頂端的 Function Key ，用家要使用 F1 至 F10 的 Function Key ，需要按下 Fn 才能選擇，而且 F11 及 F12 更被完全取消，但為了使用體感放棄較少使用的 Function ，絕對是明智選擇； TouchPad 採用無縫設計，減少污垢走入縫中難以清洗。

見到個Keyborad 將d function keys變到要用Fn key先用到....真係麻煩..... function keys本來係俾user快d做到個action，但搞咁多野不如唔用function keys！

Usability

尹思哲話講頭條果個15歲神童上市企業IT部門無咩Web Usability o既人才，其實都好容易可以理解。Web Usability雖然有唔同理論，但就係無絕對，所以何謂人才？賺到錢就係人才？個人認為要做好Web Usability只係同deadline比賽。



而另外提到"不會在大學的資訊科技課程學到Web Usability"，其實...係咪屬於"計算機科學"多於"資訊科技"o既課程？只少，有這個吧！

我不是蔡欄

去茶樓飲茶食飯，本身係一件好普通o既事，但係今日去飲茶就偏偏隔離檯有一檯好唔普通o既食客。



話說今日中午去飲茶，正當d野食黎左，一如平時咁起筷食食食。食左一陣，隔離檯坐左1男3女，年紀都幾大。可能佢地係孰客，佢地坐底左待應走埋去睇下佢地想食乜。聽到其中一個女人不停好大聲講野，最初話要食波士頓龍蝦！仲要諗下上湯定伊麵，之後又話又要蒸蟹！決定左食蒸蟹之後仲叫左其他野，咁我聽唔清楚啦！但待應行開之前，果個女人好強調話要2籠叉燒飽。



好啦~咁佢地有佢地食，我有地有我食。當我咬緊粒燒賣o既時候，隔離檯果個女人又好大聲話想食，叫個待應黎落單(明明有點心紙...)。跟住到我咬住個流沙飽o既時候，呀女人又黎話要2籠流沙飽！做咩事先！！

Master

在超市看到了這個看似沒有什麼特別的麻辣鍋醬，但再望多眼，價錢牌上的名稱卻很特別！ Master = 主要，好正常啦！不過樽上的牌子明明寫著是"狀元"，李家的公司果然很有趣！

KFC上的免費煙花

第一次影煙花，就要在這個高難度的角度~
加上天氣加運氣不佳，濃煙迎面風過來，
結果只得一張見得人的"爛相"。
不過，很想年初二再次挑戰！

海洋公園

上次去海洋公園應該係7~8年前，當時無左荔園(我無咁老)，又未有迪士尼，主題公園基本上都係得海洋公園。而入得海洋公園，最主要o既目的都只係玩機動遊戲。印像中，玩一個機動遊戲閒閒地都排超過一個鐘，之後先玩得幾分鐘，所以會好珍惜。



事隔多年，終於有機會再入海洋公園。雖然大部份機動遊戲都係一樣，而且感覺上好似好舊，但玩起上黎仍然咁好玩。不過唔知係咪無咁多人玩，基本都唔駛點排隊。仲有唔知係咪人老左，對d動物興趣大左，會去睇下d魚同水母咁。之但係入到海洋館先點解無人玩機動遊戲，可能因為天氣太熱，d人都入晒去有冷氣o既地方，想慢慢睇下都唔得。另外，海洋劇場以前好似無咁「劇場」feel......係咪學左迪士尼要有故事性呢？不過最有趣o既係海洋劇場果個3語廣播，係3種語言混合出黎，即係三句連續o既對白，會係一句廣東話，一句英文同埋一句普通話。假如只識其中一種語言，咪好可能聽唔明個故事囉？

Hue Test

經常都有都癮科技睇下科技新聞o既習慣，今次見到一篇文講一個叫Hue Testo既野，簡單d黎講即係分辨顏色o既能力。玩法好容易，就係將四行o既色相都排列好，再click"Score Test"就有得睇結束。



經過十幾分鐘，玩到頭都就黎爆之後，排左呢個結果出黎：



結果....只係得30分，藍色同綠色都錯得幾多.....(越低分越好，0分即係無錯)

賞月

中秋節食過晚飯，入左赤柱賞月。近幾年都好少o係中秋節正日出街，因為四圍都咁多人，都唔知去邊好，寧願留o係屋企舒舒服服咁食住月餅，上下網，睇下電視。



入到赤柱行左個圈，幾年無黎過乜都幾晒，好在都仲認得少少路。中學旅行實在去得赤柱太多啦！行完之後去正灘，成個沙灘都係燭光同燈光，以前覺得好迫，但其實都幾靚丫！

中秋快樂

疊疊樂

由上而下：

新MP3：Sony NWZ-S618F (8GB)

舊MP3：Creative MuVo2 FM (5GB)

新電話：Asus P320

舊電話：Motorola E680i





新o既電話同MP3機，差不多價錢下，唔但止性能好左，Size都好左好多，最好就係薄左好多！

尋找青春

返左二個半月後，終於開學。係~係9月1號，已經有好幾年無o係9月1號開學。9月1號明明係屬於小學中學。不過巧合地今年9月1號係星期一，令到好多大學都選擇9月1號開學，個感覺都幾奇怪。(聽聞再早幾年試過早過8月尾開學，真係好悲！)



上個星期一同今晚都返左去學校上堂，唔太習慣要上堂呢個當然會有啦！不過呢兩個星期一去到學校附近，心裡面都暗暗諗起一句：「青春呀！」日日返工對住少數o既哥哥、姐姐，同埋大量o既Uncle、Auntie.....仲d Uncle、Auntie o既仔女都可能大個我，返工真係好dry！但係一返到學校，見到好多年紀差唔多既學生，個感覺完部唔同晒。最少，我地都同一個generation先啦！總好過去老人院~~



不過同其他同學傾呢個問題，唔知點解人做IT我做IT，人地對住d多數都係20~30歲，點解我對住果d大部份都係Uncle、Auntie~

OT

總係唔知點解有d人咁鍾意OT。如果係因為工作量大而OT，ok~咁只不過係佢上司對佢差。最唔明白o既係究竟點解d人早左返公司都仲要OT，我就唔信真係咁多野做。要OT o既最大原因，相信都係佢做得慢。明明係應該佢lead住我做野，佢又應該係孰手過我，做同一件事佢都可以耐過，令我終於明白佢要OT o既原因。

丁噹+阿信 - 走火入魔

一開三

亞視經常都有一開五畫面，而睇呢個一開三o既即時賽果....真係好忙。

左上：女排決賽美國對古巴

右上：乒乓球男單決賽馬琳對王皓

下：男子十米跳板決賽

打風

今年好似特別多風球，已經試過一次放半日同一次放全日。但對於打緊黎o既"鸚鵡"，聽朝起身唔駛返工o既機會慢慢無少。返工都唔緊要，最慘聽日返返下工先黎掛8號風球，我唔想迫車返屋企。而最最最好當然係星期六掛8號啦！星期六返半日真係好無聊。

焦點

奧運舉行左差唔多一個星期，由討論李寧凌「空」跑500米點聖火到小朋友幕後代唱造假事件，大家o既注意力仍然留o係開幕禮上。其實由開幕禮前，集中點已經放o係中國o旣能力上，但好似忽略左運動員o既表現，運動會o既主角不是運動員嗎?其他o既事，睇完比賽先講啦！



p.s. 每晚返到屋企，都只會不停o係播奧運節目o旣台之間轉台，所以我仲未睇返儲存o係電腦裡面o既開幕禮。

奧運來了

因為出街食飯，開幕禮基本上都望左兩眼，好在返到屋企o岩o岩好夠鐘睇點聖火。今次個點聖火都幾型下，不過李寧要"跑"咁遠都應該好辛苦。

今次奧運好似都有好多直播睇，就算無數碼電視，兩個台都有唔同o既野睇，簡直好似睇緊收費o既體育頻道咁，拎住個remote不停轉台！不過TVB班人好嘈，所以如果無咩特別野都應該主要睇ATV。

我似好有錢咩？

曾經有一排，經常有唔同o既銀行寄信或者打電話走黎叫阿細佬借錢。一個無收入o既大學生都可以簽個名就借幾萬蚊。每次都會心諗，乜我似好大洗咩？雖然阿細佬窮，但都夠錢生活，夠錢交學費，唔駛你擔心。



不過近排d銀行又同我擔心另一樣野，就係我d錢太多，驚我唔識管理喎！其實我好多謝各大銀行o既擔心，但我係一個有自制能力、基本分析力o既人，阿細佬未必可以將我果雞碎咁多o既錢增值，但我最少可以keep到我o既資產囉！

停電

大熱天時停電，諗起都難頂.....話說上個星期某一個夜晚，o係街度收到屋企人用手提電話打俾阿細佬。通常屋企人o係屋企都會用返固網電話打俾我，原來今次咁特別o既係因為停電，太黑用唔到固網電話。收到電話，問左幾句，發覺唔係跳fuse咁簡單，立即用15分鐘返到屋企。



去到屋企樓下，見到大部份單位同樓梯都無燈，心之不妙。原來係大半座樓都無都電，得1/3單位有。結果好多平時見都未見過o既鄰居都走晒走廊，大家議論紛紛，仲風發現連隔離座樓都有影響，齊齊落街等待電力公司o既維修人員。大約過多半個鐘，維修人員到達後就返屋企等。停電o既晚上，有咩好做？無冷氣、無風扇、無電視睇。好在，仲有部有電o既notebook，可以滴住汗睇下裡面o既劇集。不過無得上網，原來真係悶好多。



最後，經歷左兩小時o既漆黑，終於「重光」！即係開返晒d電器，沖返個涼！假如連notebook都無，真係唔知呢2個鐘可以做咩！

師兄

估唔到返左個半月工，就要升做師兄！仲要未跟師父學滿師，就俾掌門人分咐左要去教師弟。對於一個咁大同自已都唔熟自已做果d既o既project，簡直有十個難度。因為唔熟，所以好驚教錯人，仲要有d野本身都只係聽過，未正式做過，都唔知點講好。而且教人做野同自已做野好唔同，要清楚表達之如，仲唔可以講得太快。呢兩個星期仲要keep住去教，教晒呢個半月學o既野，都可算係返工以黎最大o既考驗。

Portrait Snapshot 2

好多人都話o係街影人o既時候最好唔好用長焦，要代入個現場，但香港對鏡頭始終係敏感。我唔想俾人打，所以只好用細細支o既長鏡，亦換來只有陽光譜照之下先可以出動。

Portrait Snapshot 1

平時好少影人，多數都係大合照，但耐不耐出街影下其他人都幾有興趣，可以細心留意下街上面d人會做d咩。

光

下雨的上午

返左差唔多一個月工，基本上每日唔落雨都要帶定遮，唔駛帶遮o既日子應該一隻手都數到晒。非正式統計下，o係眾多落雨o既日子裡面，朝早返工落雨o既比例係高過放工時間。當然，近呢兩日都係半夜先黎落雨，訓之前都要關晒窗，又搞到無覺好訓。



朝早返工時間落雨都幾麻煩，要早d出門口呢d唔在講，最唔方便係人人都打開把遮。以我返工落地鐵站果條路咁，出o既人多過入o既，仲要有免費報紙派，好天o既日子都好迫，一落雨就慘啦！一人一把遮，原本行到3~4個人寬o既路得只返2個人寬。如果人人都守秩序，一邊入一邊出係都仲可以，但側邊仲有人派報。結果d人左穿右插，最後要一手拎住把遮，另一隻手用黎擋人地d遮。如果唔擋，濕已經係少事，不停俾遮"吉"真係遲早重傷。



幾經辛苦，去到地鐵站口，但總有幾個人企左o係度唔行。我都知大雨，你唔想行，但唔好企正o係個出口啦！一個二個企晒o係度，咁其他人點出入？



原本一分鐘唔駛o既路程，結果要3~4分鐘先入到。最近，都係忍唔住行去第二個入口。雖然行遠左，但時間一樣而唔駛左閃右避，舒服好多！

創意無限

呢幾位小朋友，有前途呀！

識得背晒司長局長叫咩名又有咩用？活學活用，先至係通識，就算小朋友係錯，最起碼都比個機會佢地去發揮下，用個腦去諗下野。

新工數件事

1. 返左兩個星期，開始習慣返工o既時間，但係始終未改變到訓o既時間。



2. 返工第一日就被調左去另一個office跟個porject，但聽聞遲d個project完左就會搬返head office，同時又聽聞幾個月後會調去第二team。



3. 返左兩個星期都唔知自已做過d咩野，無乜野學，不過睇doc但又無乜實際野做。



4. 而所謂學o既野，其實都無乜用。學到最重要o既就係記得每做1~2個steps就好 save，唔係你估唔到個programme幾時會死。



5. 無野做o既時間真係好難hea，一張得部電腦之外乜都無o既檯，唔對住部電腦都唔知可對住咩！



6. 唔好以為有部電腦就唔會悶，部電腦咩都無。雖然有個上網，但俾人log低晒去邊，即係有等如無。仲面無咩IDE裝左，想寫下programme都無機會，唯有不停o係share folder搵doc睇。



7. 好唔鍾意自已個位，因為三面都係牆。聽落好似一間房咁，但前面個Mon係邊係牆，左面又係牆，右面都係牆，搞到日日都好似面壁咁！



8. 唔覺唔覺都寫多咁多野，但我好想返工有多d野做囉！

擁有

最好的，已經擁有。
感謝Miss P

Euro四強

話咁快就打完左八強賽事，直係估唔到八強都幾好睇下！



土耳其上次下半場尾段反勝捷克，今次臨完加時先黎追和克羅地亞，再射贏十二碼。仲要係119分鐘失一球，然後120+追和。下場土耳其對德國，真係睇少一分鐘都唔得！荷蘭咁早出局都幾意外，仲要輸俾俄羅斯，唔通真係分組賽打得好，淘汰賽就會早d出局？而西班牙對意大利中，西班牙其實都有幾多機會，意大利就今年都係打得比較差，西班牙出線都算正常啦！希望西班牙入到決賽。而場波最好睇都係十二碼，兩大守門員o既對決 - 卡斯拿斯 vs 保方，睇佢地救十二碼真係有姿勢有實際。



四強戲碼：

德國對土耳其

俄羅斯對西班牙



希望決賽係土耳其對西班牙，應該感覺幾新鮮！

Yahoo mail

雖然好少會用Yahoo，但見到新開左個domian，都走去開個atomyuen [at] ymail.com。
向統一username進發！

轉轉轉

轉下~轉下~其實時間過得好快~

Firefox 3

之前都用開beta版，家下正式推出。
唔駛講咁多，即黎download黎用！

P.S. 前晚一點，諗住一夠鐘就download....
但jam左好耐，結果要等琴晚先download到。

Euro開波

Euro08其實早左月頭已經開波，之但係一直都無投入睇過。除左C組會留意多d外，其他都無咩點睇過，只係望下個賽果。不過到左分組賽最後一輪，比賽氣氛濃返好多，抵我琴晚唔訓睇捷克對土耳其。雖然無出現和波射12碼，但真夠戲劇性。黎緊o既就睇下C組最後會點，荷蘭究竟會同邊隊出線呢？

睇返o係開波時估o既8強，唔知如下會仲幾多呢~
葡萄牙vs克羅地亞
德國vs土耳其
荷蘭vs瑞典
西班牙vs意大利/法國

麥當勞

今日睇到新聞，話麥當勞又加價，而且係近一年之內第三次加價，同埋加幅最大一次。



曾經有一段時期，可能幾個月都唔會食一次。之不過最近幾個月，食麥當勞o既次數都係比較多，差不多每星期都會有一兩次。老實講，大約25蚊個餐，話平唔平，話貴唔貴。依家好多茶餐廳食個lunch都成30蚊，平極都要大約22~23蚊，再加多2~3蚊轉凍飲，實際上都同老麥差唔多。



不過除左價錢，老麥o既質素真係唔多好。因為唔貴，唔會同Triple O 同MOS比較，唔會要求好好食，但最基本我都想食一個可以令我飽o既餐。可惜，家下個包細得可憐，兩三啖就食晒。一個餐永遠唔夠食，要加多個薯條/批/雪糕先夠食，亦都因為呢個原因入左麥樂會，可以慳返幾蚊。但有得揀，我都係想個包大d。

Arrival

五天的台灣之旅終結了，帶著滿滿的行李箱回到滂沱大雨的香港。

雖然很掛念那些便宜的美食，但此終台灣沒有香港的那親切感，

還有香港原來真的得先進...

Departure

很久沒有離開香港，應該都有三四年~
雖然天氣有點差，仍無損興奮的心情！

P.S. 機場雖然有WiFi，但慢得很......

台灣人

話說早兩晚，一班人行過油麻地搵地方食飯。雖然天氣炎熱，夜晚都差唔多30度，但呢班死o靚仔竟然走去廟街食煲仔飯。大熱天時，當然無咩人去食，亦都唔駛等位啦！去到d煲仔飯舖頭邊面，正當用耳語討論緊去邊間o既時候，有個阿姐走埋黎用國語用我地講野！？呢一下，真係呆晒...之後已經唔記後邊個用廣東話同個阿姐講野。原來個阿姐以為我地係台灣人，但係我地個樣似遊客嗎？諗返企o係門口果陣，都真係有少少似！

食物方面，都可以啦！唔係話好好食，但都係正常啦！

決賽

當Terry射失球12碼，已經覺得之後無機會係贏，都無乜心機睇落去。



120分鐘裡面，護空門、分開爭吵中o既球員，就連第五輪12碼呢個重任亦願意承擔，一切一切都係模範隊長o既表演。可惜，偏偏o係呢球12碼射失，真係天意弄人。望住Terry流o既男兒淚，實在令人啞口無言，只想同佢擁抱一下，說一聲：「Thank you!」。



P.S. 呢場波唔止技術上好，亦難得地有好重「球味」，好有感染力o既一場球賽。

雲

神慈秀明會

翻車撼隔音屏夾死18人

旅巴衝１公里長命斜司機稱壞腳掣 2008年5月2日





【明報專訊】西貢發生自2003年屯門公路巴士墜橋之後最嚴重的車禍，共釀成18死44傷，其中12人更傷勢危殆，肇事司機已被捕。



事緣一輛滿載61名「香港神慈秀明會」教友的旅遊巴士，沿新西貢公路「長命斜」直駛而下時，司機報稱煞車系統失靈，旅遊巴不斷加速俯衝而下，在盡頭迴旋處翻側壓向隔音屏障時，車頂被壓扁，大量乘客被夾困，死傷枕藉。有工程師認為，沒有防撞功能的隔音屏障在事件中形同「死亡石牆」，是傷亡慘重的關鍵。



意外中 18名死者全部是女性，年齡由30至83歲，44名男女傷者則由2至85歲，其中12人情危殆，7人已出院。警方正調查意外是否與機件問題或司機駕駛態度有關，受輕傷的32歲司機孔╳國送院敷治後，已涉嫌危險駕駛導致他人死亡而被捕，昨晚被通宵扣查。有目擊者稱，旅遊巴肇事前曾打死火燈，其後則高速失事。



消息指出，司機報稱是因為腳掣失靈而闖禍。東九龍重案組除調查司機外，也會調查是否有其他人涉及刑事罪行。



輕傷司機涉危駕被捕



有工程師認為，今次意外中，沒有防撞功能的隔音屏障是「罪魁禍首」，又指若沒有支撐屏障的石壆阻擋，車頂就不會壓入車廂，相信傷亡會大大減輕。另外，有駕駛專家指出，現場斜路長達1公里，容易令重型車輛煞車系統失效，加上車內大部分乘客是婦孺長者，車廂既沒有安全帶，他們遇事後反應較慢，種種因素結合起來，便釀成駭人慘劇。



車禍發生於昨晨9時4分，「香港神慈秀明會」慈雲山會址租用兩輛旅遊車，分載百多名教友到西貢竹洋路總殿參加每月一度的參拜，其中61名教友登上了「死亡旅巴」。該旅巴沿新西貢公路直駛1公里長的斜路，至盡頭的迴旋處時卻高速失控翻向隔音屏障，現場遺下約20米長胎痕。



爭分奪秒「救生不救死」



意外後政府協調跨部門施救，大批消防及救援人員趕至，由於車廂翻側，乘客連同雜物及座椅向下飛墮，不少人傷勢嚴重，當局遂採取「救生不救死策略」，先救出尚有氣息的傷者，其中14人因當場死亡而沒有送院。



多名高官其後陸續到現場及醫院視察及探望傷者。特首曾蔭權亦於昨午12時許到達現場，當時傷者均已送院，但有14具屍體仍留在現場臨時停屍間。曾蔭權面色悲傷而凝重，並對死者遺體念經祈禱，他其後轉到將軍澳醫院探望傷者，並指「與香港人同感悲痛」。民政事務總署署長陳甘美華表示，死傷者家屬如需經濟協助，當局可以協助申請緊急救援基金，上限為8000元。



昨日約有700名教友到「香港神慈秀明會」總殿參拜，有職員獲悉事件後後趕到現場，情緒激動不斷哭叫，有教友則流淚合十念經。該會發聲明指出，對意外深感哀痛，並如失去家庭一分子，對傷者致以深切慰問。



-------------------------------------------------------------------------



唔係呢次意外，都唔知原來有個咁o既教~仲要有咁多人信

忘了時間的Lab

留得o係Lab多，係會另人唔記得d日子，只記得幾時要交功課。話說正當各同學埋頭苦幹於功課之中o既時間，大家都會將「琴日」稱呼為「果個」。

明明係「琴日」一齊行過拎起本子冊子睇左一陣就放返低，今日都會同「果日」在場o既同學講返自已o既經驗。

明明係「琴日」一齊行過見到個阿婆同個保安嘈，今日都會同「果日」在場o既同學講返見聞。

每日都互相見最少十個八個鐘，呢頭一齊食Lunch，果頭一齊食晚飯，見同學多過見阿媽。呢種令人忘記時間o既感覺，都咪話唔邪！

沒有Hall Life，只有Lab Life

升上大學，就總會有人叫你做「大學五件事」：走堂、上莊、做Part Time、拍拖、住hall。



讀左兩年，都仲未住過hall，仲未經歷過所謂o既hall life。之不過計計下，今年呢兩個sem留o係lab o既日子都唔少。



Lab life係....

1. 一班人一人對住一個mon做野

2. 當做到悶o既時候，就會o係個lab度四圍搵其他人吹水

3. 當做到某d唔識o既assignment，又係四圍搵其他人問

4. 行過個lab，見到識o既人就會問「XXX做成點？」(XXX=Course name)

5. 每日到左咁上下時間，就會有人叫去食飯



當做某份功課，就要另加兩點

1. 耐不耐就會有人叫：「個Server又down左呀！」

2. 隔左一陣就有人叫：「個Server死完未呀？」

3. 再等多陣就會有人話：「做得~快d做！」



出年placement，睇黎要暫別呢總又愛又恨o既Lab life一年啦！

我的電腦

睇到一篇文，講當人地用自已電腦時會令反感o既行為：

1. 抱怨你的電腦很難用的人（其實我只是換了比較不同的介面而已）。
2. 抱怨你的電腦找不到IE的人（誰准你用IE，全部都去用Firefox）。
3. 抱怨你的安全防護手續太複雜的人（哼哼，所以我不會中毒而你會）。
4. 抱怨你的首頁和書籤找不到Yahoo的人（現在已經是Google時代了，老兄）。
5. 用你的電腦上網逛奇怪娛樂網站的人（想害我中毒也不要這麼搞吧）。
6. 把他的帳號密碼儲存進你的電腦的人（想給我看我還不爽看呢）。
7. 在你的電腦安裝軟體的人（誰！是誰准你這麼做的）。
8. 在你的電腦插USB傳送檔案的人（這就彷彿有人把垃圾丟進我家的感覺一樣）。
9. 用手「指點」你液晶螢幕的人（......阿你是不會用滑鼠游標喔）。

睇完之後....完全中晒我o既觀念！特別係2, 3, 4, 8, 9！

2黎講...IE對我黎講係用黎睇FF睇唔到o既website，如果無呢d site，相信IE唔會存在o係我部電腦
4黎講...Yahoo除左可以睇新聞外，真係幾無用(對於搵料做功課黎講)
8黎講...USB毒好煩...唔好煩我~有咩用email俾我！
9黎講...最最最反感都係呢樣！特別係經常帶notebook返學做功課o既時候，唔該唔好當自已玩緊篤篤機！我無錢換Mon！

再見伍晃榮

某日黃昏，o係忙碌o既功課之中，網友msn同我講伍晃榮 死左...忙碌之間，都無時間作出反應。但反到屋企，睇返許方輝o既報導同埋伍家謙o既文章，不敢掀動到自已o既情緒。



對於許方輝同伍家謙，佢地為失去一位朋友而傷感。但與伍生素未謀面o既我亦都為佢o既離開傷感。由細到大，體育新聞同伍晃榮中間已經劃上等號，每晚六點半新聞，最後三分鐘總係最精彩。將好多人認為係可有可無變成令人期待o既體育新聞。由足籃排到跑豬跑羊，果種生動活潑o既演譯交法，就算場波睇過都唔介意再睇多次。



早兩年聖誕，有幸得到一本伍晃榮退休後o既著作「波係圓o既」，平時唔多睇書o既我亦都好用心將本書睇完。睇完之後，不但對佢o既認識加深，而係覺得佢係一個好博學，可以俾到好多知識同埋道理o既長輩。一個只係透過電視機，都可以俾到咁多野o既人，真係唔簡單。



永遠懷念「無線電視記者 伍晃榮報導」。

克制與鬥心

早前公民對南華的賽事之中發生的衝突，而南華羅生o係佢個bolg度話要球員提高EQ。當中有話「我覺得落場球員有團火, 比上兩場踢到無哂鬥心好喎」。克制與鬥心是否可以共存？比賽其間，向對手作出挑釁行為是「家常便飯」，要球員在球場上保持克制，但又要有鬥心是很難作出平衡。

作為領隊，當然每件事都應以球隊整體利益著想。正如羅生所說：「若球員因為不尊重球証而多領黃牌及紅牌，更會嚴重影響下場賽事的兵源調配。」這樣當然會影響球隊成績，但一班沒有鬥心的球員在比賽，球賽會好看嗎？這倒不如派一些二線而有鬥心的球員上陣，即使敗了，乜最少看到球員努力比賽。

從DC到DSLR 之 揀機揀鏡

部Canon A610都唔見左幾個月，幾個月都無乜點影相為後，上個星期終於買左第一部o既DSLR — Nikon D80，而呢張全黑o既相，就係佢o既第一張相。

其實o係未唔見部A610為前，都想左好耐幾時買DSLR好，因為有時感覺到好多想影o既野部A610未必影到，或者係用我o既技術暫時都未影到。本身未必o係要DSLR，可能一部功能比較多o既Prosumer DC(好似Fujifilm FinePix S100FS)都足夠我用，但個價實在太貴，同一部入門DSLR差不多價錢之下，點解唔試下DSLR呢？

o係咁多個牌子同型號之中，點解揀Nikon？點解揀D80呢？首先，我想要部手感比較好o既機， D40同400D之類我覺得太細，拎上手唔多就手。揀左一輪之後，Sony A200同D80都係拎上手比較舒服o既機。雖然A200比D80新，但操控上D80係比較好，例如有機頂Display、有2個dial等。不過A200都有比較好o既地方就係grip位較深，比D80舒服，仲有最重要就係A200比較平，連同kit lens 18-70mm都唔駛5千。但連埋其他鏡同配件，Sony比Nikon貴同少，所以最終都揀D80。

揀完機身，就揀鏡啦。銀兩有限，可以揀o既鏡離不開呢3枝：
AF-S DX 18-55mm f/3.5-5.6G ED II
AF-S DX 18-70mm f/3.5-4.5G IF-ED
AF-S DX 18-135mm f/3.5-5.6G IF-ED
除左18-55係約$600，其他兩枝都係$2000左右。因為價錢差別太大，豪不猶豫咁就揀左18-55 。佢未必係呢3枝之中最好，但多出來o既$1400我就可以買其他野，例如腳架、閃燈或者買多技鏡。鏡方面，AF-S DX VR 55-200mm f/4.0-5.6G IF-ED同AF 50mm f/1.8D都想有呢~~有咁多野想買，真係不得了~~

鐵 鏈 五 花 大 綁 鎖 「 艷 女 」

鐵 鏈 五 花 大 綁 鎖 「 艷 女 」

【 本 報 訊 】 一 名 身 穿 冶 艷 女 性 服 飾 的 洋 漢 ， 昨 被 發 現 遭 鐵 鏈 五 花 大 綁 鎖 在 何 文 田 一 個 配 水 庫 亭 內 ， 情 況 有 如 玩 性 虐 待 遊 戲 ， 由 於 他 嘴 部 被 膠 塊 塞 住 難 以 呼 救 ， 幾 小 時 後 才 被 晨 運 客 發 現 。 警 方 一 度 以 為 發 生 嚴 重 罪 案 大 為 緊 張 ， 消 防 到 場 為 事 主 剪 開 鎖 頭 解 困 ， 證 實 他 是 男 兒 身 。 洋 漢 並 無 受 傷 ， 他 事 後 指 被 貪 玩 的 友 人 「 大 整 蠱 」 ， 警 方 調 查 後 相 信 無 可 疑 。

多 次 來 港 均 單 身

聲 稱 被 友 人 綁 起 的 英 籍 漢 Andrew （ 55 歲 ） ， 身 穿 紅 黑 格 仔 蘇 格 蘭 短 裙 、 配 上 黑 絲 襪 、 黑 色 高 跟 鞋 ， 頭 戴 及 肩 長 假 髮 ， 身 材 高 及 有 修 長 「 美 腿 」 。 事 主 自 稱 非 同 性 戀 者 ， 但 有 易 服 癖 好 ， 喜 作 女 性 打 扮 。 他 被 警 員 帶 返 賓 館 調 查 ， 被 記 者 問 及 有 否 受 傷 時 表 示 「 沒 事 」 ， 又 說 ： 「 Just for fun ！ 」 稍 後 記 者 登 門 探 訪 他 ， 發 現 他 原 來 是 光 頭 漢 ， 更 架 上 金 絲 眼 鏡 。 他 禮 貌 回 應 記 者 問 候 ： 「 I am fine 」 記 者 問 他 被 綑 綁 多 久 ， 他 即 警 覺 地 再 沒 回 答 ， 並 不 時 從 窗 外 偷 望 記 者 是 否 離 開 。
掃 上 藍 色 眼 影 ， 配 上 烈 燄 紅 唇 、 濃 妝 艷 抹 的 Andrew 來 自 英 國 ， 過 去 10 多 年 多 次 來 港 旅 遊 。 據 他 入 住 的 尖 沙 嘴 美 麗 都 大 廈 16 樓 賓 館 管 房 透 露 ， 事 主 每 次 來 港 多 住 在 上 址 ， 獨 來 獨 往 ， 出 入 都 以 女 性 化 打 扮 ， 屋 內 還 有 一 大 堆 絲 襪 、 絲 巾 。 管 房 續 說 ： 「 我 見 慣 晒 ， 有 乜 咁 出 奇 ， 又 唔 係 犯 法 ！ 佢 冇 乜 ， 唔 會 搞 事 ！ 」
鄰 房 指 Andrew 以 往 從 事 學 ， 多 年 前 見 他 仍 是 男 兒 身 ， 後 來 他 作 女 性 打 扮 被 稱 讚 「 靚 女 」 ， 他 即 高 興 得 沾 沾 自 喜 ， 自 此 對 女 性 裝 扮 樂 此 不 疲 ， Andrew 又 曾 到 台 灣 旅 遊 ， 所 以 懂 說 普 通 話 。

4 鏈 6 鎖 綁 柱 上

昨 晨 6 時 許 ， 67 歲 姓 馬 男 子 到 常 和 街 對 上 配 水 庫 遊 樂 場 晨 運 ， 行 至 遊 樂 場 側 一 個 亭 時 ， 發 現 一 名 冶 艷 「 女 子 」 被 膠 塊 塞 口 、 腰 間 及 手 腳 遭 鐵 鏈 綑 鎖 ， 其 中 雙 手 更 被 反 鎖 ， 大 驚 下 問 他 ： 「 使 唔 使 幫 手 呀 ？ 」 惟 Andrew 有 口 難 言 ， 僅 能 「 、 呀 呀 」 ， 手 腳 「 彈 彈 」 狀 甚 可 憐 ， 馬 以 為 發 生 嚴 重 罪 案 即 致 電 報 警 。
大 批 警 員 及 消 防 趕 至 ， 發 現 Andrew 全 身 上 下 至 少 鎖 有 4 條 鐵 鏈 及 6 個 鎖 頭 ， 然 後 分 鎖 在 亭 的 兩 支 大 柱 上 。 消 防 取 來 鐵 剪 剪 爛 其 雙 手 鎖 頭 ， 再 在 不 遠 處 圓 上 ， 發 現 他 的 女 裝 手 袋 及 一 條 鎖 匙 ， 遂 用 鎖 匙 為 他 解 開 身 上 其 餘 鎖 頭 。
事 主 獲 救 後 向 警 員 稱 ， 前 晚 與 一 名 外 籍 友 人 飲 酒 後 到 亭 聊 天 ， 凌 晨 時 遭 友 人 五 花 大 綁 ， 惟 純 粹 嬉 戲 。 至 上 午 10 時 許 ， Andrew 由 警 員 帶 返 賓 館 核 實 身 份 。

易 服 癖 屬 性 偏 差

據 精 神 病 權 威 之 一 的 美 國 精 神 學 協 會 所 編 制 的 《 精 神 病 的 診 斷 和 統 計 手 冊 》 指 出 ， 易 服 癖 為 性 偏 差 （ Paraphilias ） 的 一 種 ， 指 那 類 以 穿 異 性 衣 物 來 達 致 性 滿 足 的 人 士 。 易 服 人 士 以 男 性 居 多 ， 他 們 希 望 透 過 易 服 行 為 ， 抒 發 自 己 脆 弱 的 一 面 。

易 服 洋 漢 被 鐵 鏈 綑 綁 示 意 圖

1 〉 身 穿 冶 艷 女 裝 的 Andrew 前 晚 與 友 人 到 酒 吧 買 醉 ， 其 後 一 起 到 何 文 田 配 水 庫 外 亭 內 聊 天	2 〉 其 間 友 人 趁 Andrew 醉 酒 以 膠 塊 塞 口 ， 用 鐵 鏈 鎖 起 手 腳 ， 再 被 分 鎖 亭 的 兩 支 大 柱 上
3 〉 馬 姓 晨 運 男 子 行 經 亭 發 現 他 被 五 花 大 綁 ， 報 警 求 助 ， 後 由 消 防 員 趕 至 剪 開 鎖 頭 解 困

==================================================================================
部份圖片因過份驚嚇，請自行到蘋果日報觀賞。